彰化道濟補路班做好代 望眾人出入平安 - 彰化

彰化道濟補路班做好代 望眾人出入平安

彰化縣的工業和民生用的管線種類濟、數量也袂少，見擺拄著愛徙管線的時，就一定愛挖
路，毋過民眾因為路無平，出意外著傷的代誌不時都有。捌做過彰化縣道濟基金會會長的
施慶泉，14冬前，成立道濟補路班，家己出錢買打馬膠，和補路班的成員四界去補路，這
陣這个補路班已經有超過50个成員，遮的人攏望有逐家的拍拚，眾人出入平安。

天暗矣，一陣人提手耙5，共拄鋪起去，乾鬆的打馬膠耙予平。一目nih，原底塗跤mi mi
mauh4 mauh4，這陣總算平矣。佇彰化四界替人鋪路的，毋是縣政府派來的跤手，是道濟慈
善會成立的道濟補路班。

敆佇貨車頂，道濟補路班這五字的燈火，閃閃爍。補路班的成員鬥共規包的打馬膠mooh去
後斗，準備閣去另外一个所在補路。十幾年前曾做過彰化縣道濟慈善會會長的施慶泉，佇
做囡仔的時，曾因為路無平，出意外，跋甲大空小裂，所以決心創一个補路班，佇自己的
能力範圍內，免費替人補路。伊的好意感動眾人，補路班的成員這陣鋪路的技術，liong7
直會使出師矣。

彰化縣道濟補路班，發揮救助的精神，毋那延續過去，逐家互相看顧庄頭的心情，也望有
in的打拚，出入的人，攏平安順心。

記者 綜合報導

資料來源:公視新聞

https://news.pts.org.tw/article/479271

修橋補路金腰帶，殺人放火無屍骸


--